Ávinnsla:
Við mat á ávinnslurétti starfsmanns skal auk þjónustualdurs hjá viðkomandi launagreiðanda einnig telja þjónustualdur hjá stofnunum ríkis, sveitarfélögum og sjálfseignarstofnunum sem kostnaðar eru að meirihluta til af almannafé.
Starfstími: | Fjöldi daga: |
0 - 3 mánuði í starfi | 14 dagar |
Næstu 3 mánuði | 35 dagar |
Eftir 6 mánuði í starfi | 119 dagar |
Eftir 1 ár í starfi | 133 dagar |
Eftir 7 ár í starfi | 175 dagar |
Við framangreindan rétt bætist auk þess réttur til mánaðarlauna í 13 vikur eða 91 dag ef óvinnufærni stafar af vinnuslysi eða atvinnusjúkdómi.
Starfstími: | Fjöldi daga: |
Eftir 12 ár í starfi | 273 dagar |
Eftir 18 ár í starfi | 360 dagar |
Laun greiðast þó ekki lengur en ráðningu er ætlað að standa.
Greiðslur:
Í fyrstu viku veikinda- og slysaforfalla eða þann tíma sem svarar til einnar viku vinnuskyldu starfsmanna greiðast auk mánaðarlauna, fastar greiðslur svo sem fyrir yfirvinnu. Eftir fyrstu viku veikinda- og slysaforfalla skal einnig greiða meðaltal þeirra yfirvnnustunda sem hann fékk greiddar síðustu 12 mánaðarleg uppgjörstímabil yfirvinnu eða síðustu 12 heilu almanaksmánuðina.
Veikindi barna:
Veikindi barna yngri en 13 ára eru 12 vinnudagar (96 vinnuskyldustundir) á hverju almanaksári.
Veikndi eða slys á vinnustað/á leið til vinnu:
Ef um er að ræða veikindi eftir slys í vinnu eða slys á leið til vinnu, eru laun óbreytt frá upphafi veikinda.
Starfshæfnisvottorð:
Starfshæfnisvottorði þarf að framvísa ef veikindi vara lengur en 1 mánuð.