Kauptaxtar hækka um 10.500 krónur.
Ákvæði kjarasamninga aðildarfélaga BHM um hagvaxtarauka komu til framkvæmda nú um mánaðamótin og gilda frá 1. apríl. Fram kemur í bréfi fjármála- og efnahagsráðuneytisins til Félags háskólakennara, félag háskólamenntaðra starfsmanna HÍ og tengdra stofnana, að kauptaxtar muni hækka um kr. 10.500. Félagsmenn í hlutastarfi fá hlutfallslega hækkun.
Þetta þýðir að kauptaxtar hækkuðu um 10.500 krónur frá og með 1. apríl. Þau sem eru á kjörum umfram það sem launataxtar kveða á um fá hækkun að lágmarki 7.875 krónur.
Uppfærðar launatöflur verða aðgengilegar á heimasíðum aðildarfélaga BHM á næstu dögum.
Gert er ráð fyrir að þessar hækkanir komi til framkvæmda við útborgun launa 1. maí nk.