Málþing Félags Háskólakennara á Akureyri, Félags háskólakennara og Félags prófessora við ríkisháskóla til málþings um málefni félagsfólks sem haldið verður föstudaginn 1. mars klukkan 14:00 – 16:30 Odda (O-101) hefur hlotið frábærar viðtökur félagsfólks. Enn eru einhver sæti laus í Odda og viðburðurinn hefur verið auglýstur á Facebook https://www.facebook.com/events/7347599865299877?ref=newsfeed en þátttakendur eru beðnir að skrá sig á https://forms.office.com/e/mJcFsyhxb2?origin=lprLink
Á málþinginu verður gert grein fyrir niðurstöðum kannana sem undanfarið hafa verið lagðar fyrir félagsfólk. Kaup, kjör og líðan verða í brennidepli og allt félagsfólk hvatt til að sitja þingið. Þátttakendur í pallborðsumræðum verða þau Eyjólfur Guðmundsson rektor Háskólans á Akureyri, Jón Atli Benediktsson rektor Háskóla Íslands, Ragnhildur Ísaksdóttir mannauðsstjóri Háskóla Íslands og Vilhjálmur Hilmarsson hagfræðingur BHM. Formenn félaganna munu einnig gefa félagsfólki kost á að beina til þeirra spurningum. Áslaugu Örnu Sigurbjörnsdóttur ráðherra háskóla, iðnaðar og nýsköpunar var boðin þátttaka en hún hefur ekki tök á því og hún hefur ekki svarað því hvort fulltrúi frá ráðuneytinu komi í hennar stað.
Þinginu verður streymt fyrir þá sem ekki komast á staðinn. Hér er hlekkur á streymið https://eu01web.zoom.us/j/3548954050?omn=66931023696 Meeting ID: 354 895 4050. Félagsfólk er samt eindregið hvatt til þátttöku í Odda og skráning (mikilvægt) á þingið fer fram hér: https://forms.office.com/e/mJcFsyhxb2?origin=lprLink
Félögin fyrirhuga svo annað sameiginlegt málþing í vor þar sem umræður um matskerfi opinberra háskóla verða í forgrunni. Dagskrá seinna málþingins verður auglýst síðar.
Dagskrá málþings FHA, FH og FPR, 1. mars 2024 í Odda (O-101)
14:00 Fundarstjóri setur þingið – Kolbrún Halldórsdóttir formaður BHM
14:10 Laun í háskólum á Íslandi – sitjum við eftir? Vilhjálmur Hilmarsson hagfræðingur BHM
14:30 Kaup og kjör félagsfólks – Sigrún Ólafsdóttir formaður Félags prófessora við ríkisháskóla
14:50 Starfsánægja og líðan starfsfólks opinberra háskóla – Hjördís Sigursteinsdóttir formaður Félags háskólakennara á Akureyri
15:10 Kaffihlé
15:20 Kulnun meðal starfsfólks háskóla – Ragna Benedikta Garðarsdóttir stjórn Félags prófessora við ríkisháskóla
15:40 Starfsaðstaða doktorsnema og nýdoktora – Svava Dögg Jónsdóttir, doktorsnemi og formaður FEDON og Valgerður Þorgerðar Pálmadóttir nýdoktor og stjórnarkona í FEDON
15:50 Pallborðsumræður um stöðu og framtíð íslensks háskólastarfs
16:30 Fundarstjóri slítur þinginu og býður upp á léttar veitingar