Starfsþróunarsjóður Félags háskólakennara

Starfsþróunarsjóður Félags Háskólakennara (SFH) er nýr sjóður er samið var um í kjarasamningi félagsins og fjármálaráðherra frá 16. nóvember 2015, bókun þess efnis er hér.

Markmið SFH er að stuðla að markvissri starfsþróun félagsmanna svo sem með því að stunda formlegt nám, sækja ráðstefnur/námskeið, sinna rannsóknum og faglegu samstarfi.  Enn fremur er það tilgangur sjóðsins að auka möguleika Háskóla Íslands og tengdra stofnana til að gera félagsmönnum kleift að vinna að verkefnum sem fara saman við markmið beggja.

Styrkhæf verkefni eru: skólagjöld, námskeiðsgjöld, ráðstefnugjöld, rannsóknamisseri og námsleyfi þar sem viðkomandi vinnuveitandi greiðir ekki allan ferðakostnað, rannsóknasamstarf við erlenda háskóla og rannsóknastofnanir, rannsókna- og námsferðir til erlendra stofnana og annar útlagður ferðakostnaður, m.a. flug- og lestarfargjöld og/eða aksturskostnaður, hótel-  og gistikostnaður. Innanbæjarsamgöngur þegar um er að ræða ferð til og frá lokaáfangastað, t.d. flugvelli eða lestarstöð, til endanlegs gististaðar. Akstur innanlands með einka- eða bílaleigubílum er styrktur um sömu upphæð og lægsta fjargjald almenningsvagna nemur. 

Ekki styrkhæft: samgöngur innan borga/sveitarfélaga, bílaleigubílar, launatap, námsgögn, fæði, kynnisferðir og tómstundananámskeið.

Vanda skal frágang umsóknar: í henni skal nákvæmlega tilgreint með hvaða hætti umsækjandi hyggst verja styrknum auk annarra upplýsinga sem tilgreind eru á eyðublaðinu.  Ef umsókn lýtur að endurgreiðslu kostnaðar, sem samkvæmt fyrirliggjandi gögnum er mældur í erlendum gjaldeyri, ber umsæknanda að sýna fram á hver sá kostnaður hafi verið í íslenskum krónum.

Skilyrði úthlutunar:

  • Félagsgjald umsækjanda hafi borist félaginu samfleytt í sex mánuði á lokadegi skilafrests.
  • Styrkfjárhæð er allt að kr. 500.000 á hverjum 18 mánuðum.
  • Reglur um styrkfjárhæð: Mánaðarlegt iðgjald að meðaltali að upphæð kr. 2.100 veitir rétt á fullum styrk kr. 500.000. Mánaðarlegt iðgjald að meðaltali, á bilinu kr. 1.050 til kr. 2.099 veitir rétt á hálfum stykr kr. 250.000. Mánaðarlegt iðgjald að meðaltali lægra en kr. 1.050 veitir ekki rétt til styrks.
  • Greiðslur úr sjóðnum fara að jafnaði fram gegn framvísun frumrits reiknings.
  • Lokadagar skilafrests, ásamt fullnægjandi gögnum, eru 1. febrúar, 1. apríl, 1. júní, 1. ágúst,1. október og 1. desember ár hvert.
  • Styrkir eru að jafnaði greiddir út í janúr, mars, maí, júlí, september og nóvember, ár hvert.

Úthlutunarreglur - Allocation rules, samþykktar 29. apríl 2019

Rafræn umsókn / electronic application

Stjórn sjóðsins skipa:

  • Baldvin Zarioh, Fh, formaður Fh.
  • Jens Guðmundur Hjörleifsson, Fh.
  • Guðrún Margrét Eysteinsdóttir, HÍ.
  • Þórana Elín Dietz, HÍ.

Framkvæmdastjóri er Helga Birna Ingimundardóttir.

Starfsreglur stjórnar, desember 2017.

Samþykktir starfsþróunarsjóðs, desember 2017.

 

 

 

Þú ert að nota: brimir.rhi.hi.is